Big Projects-ը երրորդ տարին անընդմեջ տեխնիկական սպասարկմամբ, տպագրական աշխատանքների համակարգմամբ, տաղավարների կառուցապատմամբ աջակցեց DigiTec էքսպոյի կայացմանը։ Մեր ընկերությունն ապահովում է նաև ներքին գովազդային պլատֆորմներ՝ հեռուստացույցներից մինչև լեդ էկրաններ, ձայնային տեխնիկա։ Դրանից զատ ապահովում ենք նաև մասնակից ընկերություններին անհրաժեշտ նյութատեխնիկական համալրվածությունը։ Մենք կարևորում ենք կարևորագույն միջոցառումներին և ցուցահանդեսներին մեր մասնակցությունը, ամուր գործընկերային հարաբերությունները և աջակցում ցուցահանդեսների կազմակերպման ոլորտում դրական փոփոխություններին։


DigiTec 2025
Տեխնոլոգիական տարին սկսվում և ավարտվում է #DigiTec-ով։
🎉 Այս տարվա Դիջիթեքը հոբելյանական էր և անցկացվեց արդեն 20-րդ անգամ:
Տարվա շեշտադրումները՝ արհեստական բանականություն, ներդրումներ սթարթափներում, վենչուրային կապիտալ (VC), առաջանցիկ աճ (startup growth)։

🤩 Դիջիթեքում հետաքրքիր էր բոլորի համար՝ սկսած առաջին դասարանցիներից վերջացրած VC-ներով, հրեշտակ-ներդրողներով և «Յունիքորնների» հիմնադիրներով։
🚀 Դիջիթեքը ոչ միայն տեխնոլոգիական հայության ամանորն է, ոչ միայն Հայաստանի ամենամարդաշատ միջոցառումը, այլև համաշխարհային տեխնոլոգիական քարտեզի վրա մեր երկրի տեղն էլ ավելի ընդգծելու ամենագործուն միջոցը։

DigiTec 2024-ը Հայաստանի առաջատար տեխնոլոգիական ցուցահանդեսն էր, որը տեղի ունեցավ 2024 թվականի հոկտեմբերի 4-ից 6-ը Մերիդիան Էքսպո կենտրոնում։ Միջոցառումը համախմբեց ավելի քան 30,000 տեխնոլոգիական էնտուզիաստների, ներկայացնելով նորարարական լուծումներ և տեխնոլոգիական զարգացումներ։

Այս տարվա ցուցահանդեսի առանցքային նորամուծություններից էր DigiInvest համաժողովը, որը նվիրված էր թվայնացման, ֆինթեքի, ներդրումների և ֆինանսական գրագիտության թեմաներին։ Հոկտեմբերի 4-ից 6-ը տևած համաժողովի ընթացքում անցկացվեցին պանելային քննարկումներ, հիմնական ելույթներ և փորձագիտական զեկույցներ՝ անդրադառնալով Հայաստանի տեխնոլոգիական և ֆինանսական ոլորտների ապագային։