MedMeet 2024-ը կայացավ նոյեմբերի 16-17-ին։ Միջազգային բժշկական համաժողովն ու ցուցահանդեսը մեկտեղեցին ոլորտի առաջատար մասնագետներին, բժշկական կենտրոններին, նորարարական լուծումներ ներկայացնող ՏՏ ընկերություններին և առողջապահական կազմակերպություններին։ Միջոցառման հիմնական նպատակն էր ձևավորել Հայաստանում տարածաշրջանային, իսկ հետագայում նաև միջազգային առողջապահական հարթակ, որտեղ ամեն տարի կներկայացվեն ոլորտի ձեռքբերումները, գիտական նորարարությունները և տեխնոլոգիական զարգացումները։

Այս միջոցառման շրջանակում մեկ հարկի տակ համախմբվեցին 103 գործընկեր կազմակերպություն, շուրջ 2000 բժիշկ և ավելի քան 10,000 այցելուներ, իսկ մասնակից երկրների շարքում ներկայացված էին Իրանը, Վրաստանը և Ռուսաստանը։

2024 թվականի տպավորիչ արդյունքներից և ոլորտի մասնագիտական բարձր գնահատականից հետո MedMeet հարթակը շարունակվեց բնական զարգացմամբ նաև 2025 թվականին։ Սեպտեմբերի 19, 20 և 21-ին Մերիդիան էքսպո կենտրոնում կայացած MedMeet 2025-ը հանդես եկավ առավել ընդլայնված ձևաչափով, խորացված ծրագրով և նոր մասնագիտական ներգրավվածությամբ։ Ցուցահանդեսի և համաժողովների ընթացքում ներկայացվեցին միջազգային փորձի նոր ուղղություններ, առողջապահական ինովացիաներ և ոլորտային համագործակցության մասշտաբային հնարավորություններ։

Big Projects-ը MedMeet 2024–2025-ի համար ապահովել է միջոցառման ամբողջական տեխնիկական և կազմակերպչական աշխատանքները, մասնավորապես՝

• Տաղավարների նախագծման, կառուցապատման, մոնտաժման և ապամոնտաժման ամբողջական իրականացումը,
• Մասնակից կազմակերպությունների նյութատեխնիկական համալրումը՝ անհրաժեշտ գույքով, տեխնիկայով և ենթակառուցվածքային լուծումներով,
• Արտաքին և ներքին բրենդավորման, ինչպես նաև տպագրական աշխատանքների համակարգումն ու իրականացումը,
• Տարածքի ամբողջական օպերատիվ կառավարումն ու ընթացիկ գործընթացների համակարգված վերահսկումը՝ հստակ ժամանակացույցերի պահպանմամբ,
• Տեխնիկական ինտեգրացիան և սպասարկումը, ներառյալ՝ LED էկրանների, լուսավորության և էլեկտրամատակարարման համակարգերի անխափան գործունեությունը, ինչպես նաև ցուցահանդեսային կառույցների ինժեներական անվտանգության միջազգային չափանիշների պահպանումը։

Big Projects-ը շարունակաբար ներդնում է իր փորձը, տեխնիկական ներուժը և կազմակերպչական կարողությունները՝ ձևավորելով այնպիսի միջավայր, որտեղ ցուցահանդեսները դառնում են ոչ միայն մասնագիտական հանդիպման վայր, այլ նաև նորարարությունների, համագործակցության և զարգացման հարթակ։ Մեր նպատակը նույնն է բոլոր նախագծերում՝ ստեղծել  ժամանակակից և վստահելի ցուցահանդեսային ենթակառուցվածք, որը նպաստում է ոլորտների աճին և Հայաստանի միջազգային ներկայացվածության ամրապնդմանը։

Մենք շարունակելու ենք գործել այս սկզբունքներով՝ ապահովելով այն մակարդակը, որը Big Projects-ին դարձնում է խոշոր միջոցառումների կազմակերպման ոլորտում վստահելի գործընկեր։