2013 թվականի նոյեմբերին Ցուցահանդեսների միջազգային բյուրոի կողմից Արաբական Միացյալ Էմիրություններն ընտրվեց որպես Համաշխարհային ցուցահանդես 2020-ը հյուրընկալող երկիր՝ մրցակցությունից դուրս թողնելով Ռուսաստանին, Բրազիլիային և Թուրքիային:
2020 թվականին աշխարհն ահաբեկած համավարակը փոքր-ինչ խառնեց կազմակերպիչների գործը և DUBAI EXPO 2020-ը կայացավ 2022 թվականին՝ պահպանելով նախնական բրենդինգը և անվանումը: Ցուցահանդեսն ընթանալու է հոկտեմբերի 1-ից մարտի 31-ը՝ 183 օր: Կարգախոսն է՝ «Միավորելով միտքը՝ ստեղծենք ապագան»:
Ցուցահանդեսի հիմնական տարածքը 438 հա մակերեսով տարածք է, որը գտնվում է Դուբայ և Աբու Դաբի քաղաքների միջև, Աբու Դաբիի հետ Դուբայի հարավային սահմանից ոչ հեռու։ Մասնակցում են 192 երկիր, կանխատեսվող այցելուների քանակը՝ 25 միլիոն:
Ողջ աշխարհից միաժամանակ օրական միջինում 173.000 մարդ ներկա է լինում ցուցահանդեսին: Տարածքում գործում է 200-ից ավել սննդի կետ:
Կենտրոնական հրապարակի՝ Al Wasl-ի շուրջ տարածվում են երեք խոշոր թեմատիկ շրջանները՝ «հնարավորություններ», «շարժունակություն» և «կայունություն» խորագրերով:
Ցուցահանդեսի շեշտը դրված է ներդրումների վրա ոլորտներում, ինչպիսիք են՝ արդյունաբերությունը, անշարժ գույքը, բնապահպանական ուղղությունները և հասարակական հարաբերությունները և իհարկե բարձր տեխնոլոգիաները:
Ցուցահանդեսն աննախադեպ է ինչպես մասշտաբներով, այնպես էլ բովակնադակային իմաստով, քանի որ մասնակից երկրները երևան են բերել իրենց ողջ ներուժն ու հնարավորությունները:
Մեր թիմը անցկացնելով 7 ամբողջական օր Dubai Expo 2020-ում և այցելելով 93 տաղավար՝ առանձնացրել է 12 լավագույն տաղավարները՝ ելնելով կազմակերպչական, բովանդակային և կատարողական գործոններից:

• Vision pavilion
• UAE’s pavilion
• Campus Germany
• Singapore’s pavilion
• Russia’s pavilion
• DP World’s pavilion
• Kingdom of Saudi
• Arabia’s pavilion
• Hungary’s pavilion
• Kazakhstan’s pavilion
• Australia’s pavilion
• Alif-The Mobility pavilion

Այս տաղավարներն առանձնանում էին ոչ միայն արտաքին տեսքով, այլև ներսում եղած թե՛ ինտերակտիվ, թե՛ ճանաչողական լուծումներով: Նշված բոլոր տաղավարներն օգտագործել էին թվային և լուսային ֆանտաստիկ լուծումներ, արհեստական ինտելեկտ: Բոլոր տաղավարների կոնցեպտը ուներ հստակ ասելիք, որն արտահայտված էր ինչպե՛ս տաղավարի էքստերիերում, այնպե՛ս էլ ներսի յուրաքանչյուր դետալում: Ցուցահանդեսը հագեցած է բազմաթիվ մշակութային իրադարձություններով, համերգներով՝ համաշխարհային աստղերի մասնակցությամբ, կոմերցիոն փոքրիկ տոնավաճառներով, բիզնես հանդիպումներով, ժողովներով և կոնֆերանսներով:
Մարտի 31-ից հետո տարածքը վերաանվանվելու է District 2020 և ծառայելու է որպես համալիր բիզնես և կրթական կենտրոն՝ ողջ աշխարհի համար: